Биаслантæ рамбурд æнцæ Ахкемамæ;
Фæндитæ 'ма фæнди сæртæ ку кодтонцæ:
— Мæнæ нæмæ иссæунцæ тухгæнгутæ,
Нæ хуарз æгъдæуттæ нин ихалдзæнæнцæ;
Не стур фæндон будуртæ дæр нин есдзæнæнцæ;
Не стур бæхæргъæуттæ нин гъæурæбунтæмæ искæндзæнæнцæ,
Етæ сæ кæрæдзей даргъ барцæ
'Ма даргъ думгутæ хуæрдзæнæнцæ.
Йа, мардзæ, ма суадзæн сæ нæхемæ!
Нæ хъæбæр æгъдаугин силгоймæгтæ
Уони гъæуунгти бæгъæнсæрттæй хæтдзæнæнцæ!
Уалæнмæ ба сæ фæдесгъæргæнæг
Ку фæззинуй, ку нигъгъæр кæнуй:
«Фæдес, фæдес, Дигорæ!
Дæлæ нæмæ нæ фудæзнæгтæ
Тух-æмпурст иокæнунцæ!»
Æргиунгæги тар хæрæмегъæ ниббадтæй;
Тар хæрæмегъи сæрти сау халæнттæ тахтæй.
Тар хæрæмегъæ н 'адтæй,
Фал Биасланти уонæхсар фæсевæди
Бæхти хъуæцæ адтæй.
Сау халæнттæ дæр н' адтæнцæ,
Фал сæ бæхти къæхтæй сигит
Ке калдтонцæ, е адтæй.
Фыст æрцыд 1922 азы, 15, 16 ноябрь, Дзæуджыхъæу.
«Ирон адæмон сфæлдыстад», 1949, ф. 249—250.
«ИРОН АДÆМЫ СФÆЛДЫСТАД». Фыццаг том.
Салæгаты Зоя. Орджоникидзе 1961.
при использовании материалов сайта, гиперссылка обязательна
