— Гъæйт, мæ хъæболæ, Мустафа,
Лæги сæр дæ багъудæй! —
Ку бадзоруй имæ уотæ æ мадæ.
Мустафа ку адтæй еунæг лæхъуæн
Æма йе гъонгæс ку адтæй сæдæ иуонугебæл.
Уой хæццæ ибæл сæумон хори рохс
Ку æрбаивадæй. И 'нгæрттæй, зæгъуй,
Уæд еу ку фæффæдес кодта:
— Уæ фонси дзогтæ уин ку фæттæрунцæ
Уæртæ и Сарий бохъургинтæ!
Уæд и мадæ ку райгъал кæнуй
Æ еунæг лæхъуæни.
Уæд дзианум Мустафа æхе
Ку барæвдзæ кæнуй,
Æма сæ сорунтæ ку нийагайуй;
Бæргæ исæййафуй Сарий æфсади,
Куд исхæрд кодтонцæ, уотемæй.
Бæргæ сæбæл æрзелуй Мустафа цæргæсау,
И 'фцæгмæ куд исхъæрттæнцæ, уотемæй,
Сæ размæ ку 'рбадтæй риндзи
И сау хонхи æскъуди,
Æ хъæрæймагæй сæбæл уордæгæй
Топпадзагъд кæнун ку исамайуй.
Сæ хауæггаг син ледзæггаг ку фæккодта,
И гъæуи рæгъау фæстæмæ ку раздахта.
Уæд æй и гиаур Сарий бохъургинтæ
Ку фæццæф кодтонцæ, æ риндзи бадгæй.
Ку ниххауй дагъи, æ тоги æвдулгæй,
Æ сау рæсугъд, æ бийнонтæ æ зæрди ку 'рæфтуйунцæ.
Сарий байзайæггæгтæ фæдеси
Бæргæ нихъæртунцæ Сарий гъæумæ,
И уорс рехæгунтæн ку радзорунцæ;
И зæронд лæгтæ ку ниддесунцæ,
Ци дессаг адтæй, ци алæмæт æй,
Ауæхæн цау нæбæл ку нæма æрцудæй.
И зæрæндтæ йимæ ку ранæхстæр унцæ
Æма йимæ бæргæ исхъæртунцæ.
Ку'й исесунцæ хонхи дагъæй,
Уодхæрттæ гæнгæй, Мустафай,
И кæсдæртæ йибæл ку рафæндæ кæнунцæ:
«Фидгуни къуæхтау æй æрацæй кæнæн».
Уæд и хесдæртæ ку радзорунцæ:
— Цæй, ни 'й-уадзетæ, ба-нин-бæздзагнæй еу есгæми. —
Ку 'й æрæвæрунцæ мæрсинтæбæл
Æма ранæхстæрунцæ Саримæ.
Уæд и Мустафа ку исдзæбæх у,й,
Уæд æй ку бакодтонцæ бæрзонд мæсуги.
Мади зæрдæ кæми гæдзæ кодта
Æ лæхъуæни тог есунмæ:
Æфсæдти хæццæ ку ранæхстæруй.
Сарий æфцæгмæ, уæд, ку исхъæртунцæ,
Хæрæмегъæ сæбæл уоми ку 'рбадуй.
Уоми сæмæ Сарий фийау ку ниццæуй
Æма сæ ку бафаэрсуй: «Ци уавæр айтæ?»
Уæд уомæн æ мадæ ку ниццæйдзоруй
Æ зæрди хабæрттæ.
— Æ мадта уин уой ка рахона, е ба — æз,—
Уотæ син фийау зæрдæ ку байвæруй.
Ку ниццæуй Сарий гъæумæ
Æма йимæ ку бадзоруй;
Уордæгæй Мустафа ку рагæпп кæнуй,
Уотемæй ледзунмæ ку ниййагайуй,
Комкоммæ къулух, фæссаууон дзæбæхæй.
Уæд Сари æд зæронд, æд нæуæг
Æ фæсте ниппарасетæ унцæ.
Уотемæйти сæ æнæтугъдон рæвдзæй
Æфсæдти астæу ку исмедæг кодта.
Уотемæй уоми Сарий адæми
Æнæхатирæй ку ниццагъта.
Уотемæй Мустафа æ мади хæццæ
Йе 'фсæдти хæццæ ку ниффардæг уй.



«ИРОН АДÆМЫ СФÆЛДЫСТАД». Фыццаг том. Салæгаты Зоя. Орджоникидзе 1961.