Главная > Историон таурæгътæ > Дæйыхъæу æмæ Æрхоны равзæрд
Дæйыхъæу æмæ Æрхоны равзæрд15 ноября 2011. Разместил: 00mN1ck |
|
Уæлладжыры комы æппæты раздæр равзæрд Дагом. Уым æрцард Ос-Бæгъатыр. Уыдис ын æртæ фырты: Сидæмон, Цæразон æмæ Кусæгон. Æрхон, Цъус æмæ Луар уыдысты Сидæмоны хъæутæ. Сæ кувæндон уыдис Саниба. Бадыхъæу, Нузал æмæ Зæрæмæг уыдысты Цæразоны хъæутæ. Кусæгон амарди раджы æмæ йын ницы баззади. Дæйыхъæуы бынат уыдис дыргъджын. Æрцардис дзы фыццаг Сидæмон. Уый загъта: «Дæйдзынæн дыргътæ æмæ афтæмæй цæрдзынæн». Уымæ гæсгæ хъæу схуыдтой «Дæйыхъæу». Æрхоны бынат та уыдис сырдджын. Сидæмон-иу йæхимæ сырдтæ æрхуыдта æмæ афтæмæй царди. Радзырдта йæ Хосаты Агуыбе Ибыры фырт, 61-аздзыд, 1979 аз, Алагир. Ныффыстой йæ Лолаты Зæлинæ æмæ Суанты Маргаритæ. Цæгат Ирыстоны паддзахадон университет, уырыссаг литературæйы кафедрæйы архив. Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф. при использовании материалов сайта, гиперссылка обязательна
Вернуться назад |