Главная > Историон таурæгътæ > Годзийы хабар (скъуыддзаг)
Годзийы хабар (скъуыддзаг)15 ноября 2011. Разместил: 00mN1ck |
|
Персы паддзах сфæнд кодта Тамарæйы йæхирдыгæй бакæнын. Тамарæ гуырдзыйæ ныфс никæмæй дардта æмæ рарвыста Нары адæммæ фæрсынмæ. Уыдон сæ сæрмæ не схастой «нæ» зæгъын æмæ рарвыстой æртындæс адæймаджы. Уыдон хъуамæ схæцыдаиккой Персимæ. Кæрæдзимæ бакастысты æртындæс адæймаджы æмæ сæ цæст сарæзтой Хетæгкаты Годзимæ. Уый сразы ис æмæ рацыдис хæцынмæ. Йæ кард асастис æмæ йæ сцыргъ кодта. Йе 'мбæлттæй йын чидæр лæвæрдта кард, фæлæ йæ нæ райста. Уыцы адæм хæцæг уыдысты æмæ дардтой згъæр худ, уарт æмæ згъæр хæдон, цæмæй дзы фат ма ахызтаид. Адæймагæн-иу йæ сæрыкæхц куы фæдих ис, уæд-иу æй бахуыдтой æрхуыйæ. Годзи æмæ йе 'мбæлттæм уыдис згъæр худ, уарт æмæ телын хæдон. Авæрдтой персайнаг æмæ Годзи сæ кæрдтæ кæрæдзийыл, æмæ загъта персайнаг, цæв, зæгъгæ. Уæд Годзи загъта, махмæ фыццаг уазæг фæцæвы, зæгъгæ. Персайнаг уæле æрцавта, æмæ йæ Годзи нымæты бын фæкодта. Персайнаг ахауди. Годзийы та бакодтой Тамарæмæ. Рахастой йын сыгъзæрин хъалац бæгæныимæ. Гъер дæр ма уыцы хъалацы куывдты мидæг рахæссынц бæгæны æмæ, Годзи рухсаг уæд, зæгъгæ, фæзæгъынц. Радзырдта йæ Хетæгкаты Лади Уæччейы фырт, 77-аздзыд, 4 июль, 1975 аз, Къостайыхъæу. Ныффыста йæ Гуыбаты Виталий. Цæгат Ирыстоны паддзахадон университет, ирон æмæ иумæйаг æвзагзонынады кафедрæйы архив. Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф. при использовании материалов сайта, гиперссылка обязательна Вернуться назад |