Главная > Историон æмæ тохы зарджытæ > Уæллагирон седзæргæс оси зар (вариант)
Уæллагирон седзæргæс оси зар (вариант)5 апреля 2011. Разместил: 00mN1ck |
|
(вариант) Уæлæ Ири уæздæнттæ Уæллагири коми æрæнбурдæнцæ Бæхæвзурст æма лæгæвзурстæй, Æстæмæй-астмæ сæхе исцæттæ кодтонцæ: Цæуæн, фæццæуæн уæртæ фæрнуг Фонсгин Дигорæмæ æма син Се стур фусти дзогтæ æма галæргъæуттæ æртæрæн. Бацудæнцæ тухæ кæнунмæ Дигорæмæ. Бони цъæхи син сæ фусти дзогтæ, Сæ галæргъæуттæбæл рагъæр кодтонцæ, Дигоргом уæд устур фæдес фæцæнцæ, Устур тугъд сæмæ æрцудæй уæздæнтти хæтдзæ. Тухгæнæг адæм устур цагъд æрцудæнцæ. Уæд седзæргæси фурт дæр фæццæф æй 'Ма еу дори бунмæ бацудæй. Еу бони фæстæ уоци дори фæсте Лæхъуæн цæфæй гъарæнгитæ кодта: – Мæнæн нана уотæ ку загъта, Есге хæрам фонс дæ нæ гъæуй, Дæхе фонс дзæгъæлæй байзайдзæнæнцæ, зæгъгæ. Нур ба мæбæл дæ дзурдтæ Ци хъæбæр æрцудæнцæ, нана, Æз ма дин дæ цæсгом ку фæууидтайнæ уæддæр! Уотемæй и седзæр еунæг Æ ниййерæгмæ æ билтæ хуæргæй, Æ дуйней цардæй ку рахецæнæй. ЦИГСИИ-йы архив, фыст æрцыди 1928 азы. Фольклор № 126, папкæ № 12, ф. 71. Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф. при использовании материалов сайта, гиперссылка обязательна
Вернуться назад |