Главная > Историон æмæ тохы зарджытæ > Томайты Мæхæмæты зарæг

Томайты Мæхæмæты зарæг


5 июня 2011. Разместил: 00mN1ck
Ой, хур, дам, скаст
Æмæ Хъæриуыл сæмбæлдис,
Ой тох, туркаджы нæмыг ратахт
Æмæ мæ риуыл сæмбæлдис
Ой, тох!
Ой, Хуыбецоны цайдан куырдадзы баззадис,
Ой, ныр мæ рæсугъд ус куырдуаты баззадис.
Ой, уæлæ Ручъы 'фцæгыл цæугæйæ
Ныр сæ худтæ нал исынц.
Ой, ныр дæлæ сау Турчы цæугæйæ
Ирон лæппутæ сæ туг дæр нал исынц.
Ой, тох!

Ой, Ручъы фæндаг рухс Санатмæ бахъуыди,
Ой, ныр ме 'дзард сонт уд рухс дзæнæтмæ бахызти.
Ой, сау хохы сæлабыр сæгуытæй баззади,
Ацы хъару мын мæ фыд Сæгойæ баззади.

Зарæг азарыд Къозонты Ауызби Сандыры фырт. Райгуырд 1934 азы. Зарæг скодтой рукъаг фæсивæд сæ хъæуккаг лæппу Мæхæмæтыл, – уый фæмард Турчы хæсты. Ныффыстой йæ Гуцаты Изетæ æмæ Плиты Милуся.
Цæгат Ирыстоны паддзахадон университет, уырыссаг литературæйы кафедрæйы архив.

Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.

при использовании материалов сайта, гиперссылка обязательна

Вернуться назад
Рейтинг@Mail.ru