поиск в интернете
расширенный поиск
Иу лæг – æфсад у, дыууæ – уæлахиз. Сделать стартовойНаписать письмо Добавить в избранное
 
Регистрация   Забыли пароль?
  Главная Библиотека Регистрация Добавить новость Новое на сайте Статистика Форум Контакты О сайте
 
  Навигация
Авторские статьи
Общество
Литература
Осетинские сказки
Музыка
Фото
Видео
  Книги
История Осетии
История Алан
Аристократия Алан
История Южной Осетии
Исторический атлас
Осетинский аул
Традиции и обычаи
Три Слезы Бога
Религиозное мировоззрение
Фамилии и имена
Песни далеких лет
Нарты-Арии
Ир-Ас-Аланское Единобожие
Ингушско-Осетинские
Ирон æгъдæуттæ
  Интересные материалы
Древность
Скифы
Сарматы
Аланы
Новая История
Современность
Личности
Гербы и Флаги
  Духовный мир
Святые места
Древние учения
Нартский эпос
Культура
Религия
Теософия и теология
  Строим РЮО 
Политика
Религия
Ир-асский язык
Образование
Искусство
Экономика
  Реклама
 
 
Сафа Сатанайы куыд фæсайдта (скъуыддзаг)
Автор: 00mN1ck / 28 февраля 2010 / Категория: Ирон адæмон сфæлдыстад » Нарты кадджытæ
(Скъуыддзаг)

     Дзуæрттæ хæснаг скодтой:
     – Сатанайы нæ чи фæсайа, хæснаг уый уæд.
     Æмæ рарвыстой фыдуагдæр Фæлвæрайы:
     – Ацу, ды йæм ныццу ныр.
     Уырызмæг та уыдис афæдз балцы. Æмæ йæм æрцыдис Фæлвæра æмæ йын ской кодта. Æмæ загъта Сатана:
     – Ацу, сывæллоны къæбæрсай дæ ды, кæннод дæ уисойы къуыдырæй хорз снæмдзынæн.
     Фæлвæра рацыдис. Стæй та йæм саккаг кодтой Иляйы, æмæ та йæм æрцыдис уый дæр æмæ йын ской кодта. Æмæ йын аргæвста бурæ нæл фыс æмæ йæ суазæг кодта, схуыссын æй кодта æмæ йын загъта:
     – Ныртæккæ дæм æз дæр æрбауайдзынæн.
     Æмæ йæм барвыста йæ лæггадгæнæджы, æмæ уыимæ фæхынджылæг кодта. Æмæ райсомы сыстадис æмæ йын салам радта Сатанайæн æмæ ссыдис дзуæрттæм:
     – Гъы, цы фæдæ?
     – Фæсайдтон æй.
     – Гъа-ма æрту кæн мæнæ уыцы дурыл: кæд дæ ту сæнхъиза, уæд æй фæсайдтай, кæннод нæ.
     Æмæ дурыл æрту кодта, æмæ нæ сæнхъызтис, æмæ ныххудтысты:
     – Гъæ, нæ йæ фæсайдтай ды.
     Стæй та йæм саккаг кодтой Сафайы (куырд), æмæ йæм уый æрцыдис.
     – Гъы, цæмæ æрцыдтæ, милгуыбын? – фæрсы йæ Сатана.
     – Дæумæ æрцыдтæн, – зæгъгæ, загъта.
     Æмæ та æрбакодта бурæ нæл фыс æмæ йын загъта Сафайæн:
     – Ус кусарт нæ кæны, фæлæ ды дæ лæг æмæ йæ акусарт кæн.
     – Суадз æй уым хæдзары астæу, стæй йæ кусартгæнæг уыдзæн.
     Æмæ йæ суагъта хæдзары астæу; æмæ Сафа йæ дзыпмæ нывнæлдта æмæ дзы хæрынкъа сласта æмæ йæ аппæрста хæрынкъайы, æмæ дзы лæппу æмæ чызг агæпп ласта. Æмæ лæппу рацахста бурæ нæл фысы, æмæ чызг фынг радавта. Фынгыл æй авæрдтой, аргæвстой йæ æмæ йæ сцæттæ кодтой, æмæ бафтыдтой аджы æмæ йæ, куы сцæттæ ис, уæд æй райстой æмæ фынг æрæвæрдтой Сафайы раз, æмæ загътой Сатанайæн:
     – Гъеныр ын цы хæрын кæныс, уый йын бахæрын кæн.
     Æрхаста хойраг фынгмæ – дзидза æрæвæрдта æмæ нозт дæр æрхаста, æмæ чызг уырдыг лæууы, лæппу йын дзидза кæрды æмæ, куы аназы, уæд ын комдзаг йæ дзыхы атъыссы. Хæрд куы фесты, уæд ын ской кодта Сафа. Хæрынкъа ныссæрфта æмæ йæ йæ дзыппы нывæрдта Сафа. Æмæ йын Сатана зæгъы:
     – Æппын æй ницæуыл рауæлдай кæндзынæ уыцы хæрынкъайы?
     – Ницæуыл, – загъта лæг, – кæд, кæй загътон, уый сæххæст кæнай, уæд æй ууыл ауæлдай кæндзынæн.
     – Æндæр ницæуыл? Уый æнцон у, зæгъгæ, загъта.
     – Уæдæ кæд æнцон у, уæд цом.
     Æмæ уат бакодта Сатана æмæ йын загъта:
     – Схуысс! Ды уал æрхуысс раздæр, æз дæм ныртæккæ æрбацæудзынæн.
     – Нæ, зæгъгæ, загъта Сафа.
     – Мизынмæ цæуын, æмæ мæ ауадз.
     – Æмæ æз дæр демæ цæуын.
     – Нæ, ды мемæ ма рацу, æз дæм æрбацæудзынæн.
     Нал æй ауагъта æддæмæ. Схуыссыдысты, æмæ, цы хъуыди, уый бакодта. Æмæ йын балæвар кодта хæрынкъа. Æмæ афардæг ис Сафа æмæ ссыдис дзуæрттæм, æмæ йыл худынц:
     – Гъы, ды та цы бакодтай?
     – Æз цы хъуыди, уый бакодтон.
     – Уæдæ-ма æрту кæн дурыл.
     Æмæ æрту кодта дурыл, æмæ сфыхтис йæ ту. Баууæндыдысты йыл:
     – Ды йæ фæсайдтай...
     Æмæ амбылдта хæснаг Сафа.
     Уалынмæ Уырызмæг дæр æрцыдис йæ балцæй. Æмæ базыдта Уырызмæг:
     – Цыдæр кодтай, Сатана...
     – Æппын ницы кодтон, сайд мыл æрцыдис.
     – Æмæ чемæ?
     – Сафаимæ.
     Æмæ загъта Уырызмæг:
     – Æз демæ фæцæрынæн ницыуал бакæндзынæн, – æмæ алыгъдис тæргай, æмæ иу дард быдырмæ ацыдис, æмæ йæхицæн сарæзта сагдзæрмттæй мусонг æмæ цардис уым.
     Æмæ Сатана загъта:
     – Цон æмæ сагурон мæ мойы!
     Æмæ лæджы дзаума скодта, йæ дзыккутæ йæ сæрыл стыхта æмæ дынджыр худ ныккодта, æмæ сбадтис бæхыл æмæ йæм ацыдис. Бахæццæ ис Уырызмæгмæ æмæ йын салам радта:
     – Де зæр хорз уа, Уырызмæг!
     Æмæ йæ суазæг кодта Уырызмæг, æмæ саджы мард сæ дуармæ, æмæ йын загъта Уырызмæг:
     – Æз асыгъдæг кæнон саджы мард æмæ дзы æхсæвæр саразæм нæхицæн.
     Æмæ йын уый загъта:
     – Уадз æй, сыгъдæггæнджытæ йæ уыдзæн.
     Æмæ йын Уырызмæг афтæ:
     – Чи йæ ссыгъдæг кæндзæн, мæн æмæ дæу йеддæмæ дзы куы ничи ис, уæд?
     Æмæ хæрынкъа аппæрста саджы марды 'рдæм, æмæ дзы чызг æмæ лæппу агæпп ластой, æмæ ссыгъдæг кодтой саджы марды, æмæ йæ бафтыдтой аджы мидæг, æмæ сцæттæ ис, æрæвæрдтой сæ разы фынг, æмæ лæггад кæнынц лæппу æмæ чызг Сатанайæн – комдзæгтæ йын тъыссынц йæ дзыхы. Æмæ хæрд куы фесты, уæд хæрынкъа ныссæрфта æмæ йæ йæ дзыппы цæвæрдта – лæппу дæр нал æмæ чызг дæр.
     Æмæ йын загъта Уырызмæг:
     – Цæй хорз хæзна у! Кæцæй бафтыд дæ къухы?
     – Хæтæг лæг дæн, æмæ бафтыд мæ къухы.
     – Æмæ йæ ницæуыл рауæлдай кæндзынæ? – загъта та йын Уырызмæг.
     – Æмæ йæ цæуыл ауæлдай кæнон, мæ дарæг уый куы у, уæд.
     – Рауæлдай йæ кæн истæуыл: йе 'хцайыл, йе фосыл!
     – Нæ йæ ауæлдай кæндзынæн нæдæр æхцайыл, нæдæр фосыл.
     – Уæдæ йæ цæуыл ауæлдай кæндзынæ?
     – Ауæлдай йæ кæндзынæн... Дард балцы уыдтæн æмæ рагæй нал уыдтæн мæ хæдзары æмæ йæ иу хъуыддагыл ауæлдай кæндзынæн.
     Æмæ уый загъта:
     – Æмæ дын кæцæй ссарон уый та: ам куы нæ хъæу хæстæг, куы нæ сылгоймаг ис?
     – Æмæ дæхæдæг та? – загъта уæд.
     – Æмæ мæ искæмæн куы зæгъай?
     – Нæ, никæмæн зæгъдзынæн, – загъта уый, зæххæй йын ард бахордта, Хуыцауæй йын сомы бакодта. Æмæ ныггуыбыр кодта Уырызмæг. Ус гаччы стæг йæ дысы бамбæхста æмæ йæм уый фæцарæзта, хъæбæр куы фæдардта, уæд æй лæг базыдта.
     – Суадз-мæ, суадз, нæ хæйрæджытæй куы дæ!
     Æмæ йæ суагъта æмæ йын загъта:
     – Гъеныр мæныл ай тыххæй сайд сæмбæлдис. Æмæ æз сылгоймаг куы дæн, фæлæ ды та нæлгоймаг куы дæ, æмæ дыл сайд куы сæмбæлд ацы дзаумайы тыххæй.
     Æмæ æхсæв-бонмæ фæминас кодтой уым Сатана æмæ Уырызмæг.

Радзырдта йæ Туаты Зауырбег Алымбеджы фырт. 15 июль, 1924 аз, Къоб. Ныффыста йæ Гæдиаты Петр.
ЦИГСИИ-йы архив, фольклор № 26, папкæ 5, ф.138–141.

Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.

при использовании материалов сайта, гиперссылка обязательна
Информация
Посетители, находящиеся в группе Гости, не могут оставлять комментарии к данной публикации.
  Информация

Идея герба производна из идеологии Нартиады: высшая сфера УÆЛÆ представляет мировой разум МОН самой чашей уацамонгæ. Сама чаша и есть воплощение идеи перехода от разума МОН к его информационному выражению – к вести УАЦ. Далее...

  Опрос
Отдельный сайт
В разделе на этом сайте
В разделе на этом сайте с другим дизайном
На поддомене с другим дизайном


  Популярное
  Архив
Февраль 2022 (1)
Ноябрь 2021 (2)
Сентябрь 2021 (1)
Июль 2021 (1)
Май 2021 (2)
Апрель 2021 (1)
  Друзья

Патриоты Осетии

Осетия и Осетины

ИА ОСинформ

Ирон Фæндаг

Ирон Адæм

Ацæтæ

Список партнеров

  Реклама
Грузчики профессионалы Москва. Грузчики Москвы (услуги.;купить диплом о среднем образовании в Астрахани ссылка;купить аттестат старого образца в Магнитогорске см. тут;корсет для осанки спины купить цена 
 
  © 2006—2022 iratta.com — история и культура Осетии
все права защищены
Рейтинг@Mail.ru