поиск в интернете
расширенный поиск
Иу лæг – æфсад у, дыууæ – уæлахиз. Сделать стартовойНаписать письмо Добавить в избранное
 
Регистрация   Забыли пароль?
  Главная Библиотека Регистрация Добавить новость Новое на сайте Статистика Форум Контакты Реклама на сайте О сайте
 
  Навигация
Авторские статьи
Общество
Литература
Осетинские сказки
Музыка
Фото
Видео
  Книги
История Осетии
История Алан
Аристократия Алан
История Южной Осетии
Исторический атлас
Осетинский аул
Традиции и обычаи
Три Слезы Бога
Религиозное мировоззрение
Фамилии и имена
Песни далеких лет
Нарты-Арии
Ир-Ас-Аланское Единобожие
Ингушско-Осетинские
Ирон æгъдæуттæ
  Интересные материалы
Древность
Скифы
Сарматы
Аланы
Новая История
Современность
Личности
Гербы и Флаги
  Духовный мир
Святые места
Древние учения
Нартский эпос
Культура
Религия
Теософия и теология
  Строим РЮО 
Политика
Религия
Ир-асский язык
Образование
Искусство
Экономика
  Реклама
 
 
Батырадз Нарты дзуары куыд фæнадта
Автор: 00mN1ck / 13 июля 2010 / Категория: Ирон адæмон сфæлдыстад » Нарты кадджытæ
    Нартæм сæ дзуар æргом рацыди.
    Уæд æм устытæ цыдысты куывды æмæ йын лæгъстæ кодтой:
    – Нæ, мæнæн хорз нывы конд ратт, нæ – мæнæн.
    Æмæ сын лæвæрдта.
    Батырадзы ус дæр араст ис æмæ йæм ссыди куывды æмæ йæм бадзырдта:
    – Дæ хорзæх, нæ дзуар, мæ кувинæгтæ мын айс!
    Дзуар æм радзырдта:
    – Дæ бон ныккал! Цæй дзуарæн кувыс! Æз дæ хуызæн мыррыттытæн хæрзиуджытæ нæ дæттын!
    Ус аздæхт æмæ мæстæйдзагæй ныццыдис сæ хæдзармæ.
    Батырадз балцы уыди кæмдæр. Зæрватыкк æрбабадти ердойыл, æмæ йæм Батырадзы ус сдзырдта:
    – Батырадзмæ-ма мын фæтæх. Кæд бадгæ кæны – лæугæ скæнæд, кæд лæугæ кæны – мауал æрбадæд, фæлæ мæм хæццæ кæнæд!
    Зæрватыкк Батырадзмæ атахт æмæ йын загъта:
    – Дæ ус дæм æрвиты: уынгæджы, дам, фæдæн.
    Батырадз йе 'фсургъыл абадти æмæ æрхæццæ ис. Йæ усы бафарста:
    – Цы кодтай? Цæуыл бауынгæг дæ?
    Уый йын радзырдта:
    – Нæ хицауты дзуар æргом рацыди. Алкæй устытæн амæндтæ фæлæвæрдта. Æз æм ссыдтæн амонд курынмæ. Уый мæ фелгъыста, расырдта мæ.
    Батырадз ацыди, тулдз лæдзджытæ фæкодта æмæ сæ йæ дæларм скодта, Дзуары дуармæ ссыди æмæ йæм бадзырдта:
    – Нарты дзуар! Æддæмæ-ма ракæс!
    Дзуар афтæ 'нхъæлдта, чидæр та мæм куывды æрцыди, зæгъгæ, æмæ йæм æддæмæ ракаст.
    Батырадз ыл лæдзджытæ ныццавта, фæнадта йæ. Дзуар ралыгъди уырдыгæй. Батырадз æй фæсте сырдта, лæдзджытæй йæ надта, афтæмæй Уациллатæм баирвæзти дзуар.
    Уациллатæм бахæццæ Батырадз æмæ сæм дзуры:
    – Мæ куырммæдзæуæг хъуг уæм æрбаирвæзт, æмæ мын æй радде кæнут, кæннод уын уæхи дæр фыдбон æййафы.
    Уырдыгæй йæ раппæрстой дзуары, æмæ фæлидзы. Батырадз æй нæмгæ цæуы.
    Дзуар баирвæзти Сафатæм. Сафатæ рацыдысты Батырадзмæ æмæ йын загътой:
    – Ныууадз æй. Уæртæ куы мæлы. Нæ хатыр ын бакæн!
    – Сымах хуызæн даргъхъусты тыххæй æз цы хатыр фæкæнон! Раппарут æй, кæннод уæхиуыл дæр туг уары!
    Раппæрстой йæ, æмæ та лидзы дзуар. Батырадз дæр æй нæмгæ цæуы.
    Тутыртæм баирвæзти. Тутыр æм рацыди Батырадзмæ:
    – Дæ хорзæхæй, Батырадз, фæхатыр ын кæн. Уый уæддæр нал фервæздзæн, æмæ йæ мæ хатырæй ныууадз.
    – Гъа, цы дын кæнон, Тутыр!.. Дæ хатырæй баззайæд.

Радзырдта йæ Багаты Уанкъа. «Ирон адæмон сфæлдыстад», 5-æм чиныг, Орджоникидзе, 1941 аз, ф. 31–32.

Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.

при использовании материалов сайта, гиперссылка обязательна
Информация
Посетители, находящиеся в группе Гости, не могут оставлять комментарии к данной публикации.
  Информация

Идея герба производна из идеологии Нартиады: высшая сфера УÆЛÆ представляет мировой разум МОН самой чашей уацамонгæ. Сама чаша и есть воплощение идеи перехода от разума МОН к его информационному выражению – к вести УАЦ. Далее...

  Опрос
Отдельный сайт
В разделе на этом сайте
В разделе на этом сайте с другим дизайном
На поддомене с другим дизайном


  Популярное
  • Больше, чем кино. К 60-летию художественного фильма "Фатима"
  • Мариинская феерия
  • Герцогиня балета
  • Мариинка – Кавказу
  • "И каждый памятник дыханьем гор согрет!"
  • Театр Якобсона и другие
  • По следам "Цейского вальса"
  • О героях – с экрана
  • В поисках правды и денег
  • Хоровое волшебство
  •   Архив
    Октябрь 2018 (10)
    Сентябрь 2018 (20)
    Август 2018 (21)
    Июль 2018 (24)
    Июнь 2018 (22)
    Май 2018 (22)
      Друзья

    Патриоты Осетии

    Осетия и Осетины

    ИА ОСинформ

    Ирон Фæндаг

    Ирон Адæм

    Ацæтæ

    Осетинский язык

    Список партнеров

      Реклама
     liex
     
      © 2006—2018 iratta.com — история и культура Осетии
    все права защищены
    Рейтинг@Mail.ru