поиск в интернете
расширенный поиск
Иу лæг – æфсад у, дыууæ – уæлахиз. Сделать стартовойНаписать письмо Добавить в избранное
 
Регистрация   Забыли пароль?
  Главная Библиотека Регистрация Добавить новость Новое на сайте Статистика Форум Контакты Реклама на сайте О сайте
 
  Строим РЮО 
Политика
Религия
Ир-асский язык
Образование
Искусство
Экономика
  Навигация
Авторские статьи
Общество
Литература
Осетинские сказки
Музыка
Фото
Видео
  Книги
История Осетии
История Алан
Аристократия Алан
История Южной Осетии
Исторический атлас
Осетинский аул
Традиции и обычаи
Три Слезы Бога
Религиозное мировоззрение
Фамилии и имена
Песни далеких лет
Нарты-Арии
Ир-Ас-Аланское Единобожие
Ингушско-Осетинские
Ирон æгъдæуттæ
  Интересные материалы
Древность
Скифы
Сарматы
Аланы
Новая История
Современность
Личности
Гербы и Флаги
  Духовный мир
Святые места
Древние учения
Нартский эпос
Культура
Религия
Теософия и теология
  Реклама
 
 
Нарты Батразы кадæг
Автор: 00mN1ck / 13 июля 2010 / Категория: Ирон адæмон сфæлдыстад » Нарты кадджытæ
Арвæн йæ иу кæронæй дыууæ хуры куы скастис, зæгъгæ, гъей!
Нарты Батраз, гъей,
Цон-ма, бабæрæг æй кæнон, йай цавæр диссаг у, зæгъгæ, гъей!
Авд бонцауы йын, зæгъы, иу бон куы 'нтыстис, гъей,
Авд бонцауы, гъей.
Уæртæ иу ран, зæгъы, иу æдзæрæг бæстæм куы бахæццæ вæййы, гъей,
Нарты Батраз, гъей,
Уым, зæгъы, уыцы æдзæрæг бæсты куы зæгъы,
Гъе-гъе-гъе-гъей!
Æхсыры цадмæ, зæгъы, куы бахæццæ вæййы,
Æхсыры цадмæ,
Йай, дам, цавæр диссаг у, зæгъгæ,
Йæхи куы 'раууон кæны,
Æхсыры цады был, гъей,
Нарты Батраз, гъей.
Иузаманы, зæгъы, хуры чызг куы 'рбатæхы, æмæ
Гъей, Нарты Батраз,
Æхсыры цады был йæ дзаумæттæ раппары æмæ, гъей,
Æхсыры цадмæ куы багæпп ласы, зæгъгæ, гъей.
Нарты Батраз, зæгъы, хуры чызгæн
Йæ дзаумæттыл йæхи куы ныццавта,
Йæ дзаумæттæ йын куы фелвасы.
Хуры чызг, зæгъы, æхсыры цады астæуæй,
Уæдæ, дам, Хуыцау мæ дæуæн саккаг кодта,
Батраз, зæгъгæ, йын лæгъстæ кæнын куы байдыдта.
Хуыцау мæ дæуæн саккаг кодта, ницыуал фæцæудзынæн,
Зæгъгæ, фæлæ мын мæ дзаумæттæ куы раттис, зæгъгæ, зæгъы.
Нарты Батраз ыл куы баууæндыд,
Нарты Батраз ыл куы баууæндыд.
Хуры чызг йæ дзаумæттæ куы 'рбакодта.
Уæдæ, зæгъы, уымæн йæ базыртæ иуфарс æвæрд куы уыдысты,
Уый Батраз куынæ зыдта.
Йæхи хъуыдыйы æфсон, зæгъы, иуфарс фездæхтис.
Йæ базыртæ куы бакæны, куы ныппæррæст кæны,
Батраз дæр ма йæм бæргæ фæлæбуры, фæлæ ницы.
Ницыуал æрцахста, фæлæ йæм хуры чызг фæстæмæ куы дзуры:
Æз, дам, дæу хуызæн мæйттæ куы кæнин, Батраз,
Уæд афонмæ дæр бирæ куы ссардтаин, зæгъы, гъей.
Батраз дæр ма йæм хъæлæкк дзуры:
Æз, дам, зæгъы, дæу хуызæн чызджытæ куы куырдтаин,
Уæд, дам, мæ къухы куы уыдтæ.
Иу абонæй иннæ абонмæ æхсыры цады был фæстæмæ хуыссын куы байдайы.
Хуры чызг йæхиуыл дуæрттæ фидар куы сæхгæдта,
Куынæуал кæны йæ дуар, зæгъгæ,
Хурмæ куы бахъаст кодта, цалынмæ Нарты Батразы амарат,
Уæдмæ мæ дуар нæ бакæндзынæн, æддæмæ нæ ракæсдзынæн, зæгъгæ.
Уæлæ уæларв Куырдалæгонмæ куы бацыдысты,
Балсæджы цалх ын куы скæнын кодтой
Нарты Батразы, Нарты Батразы тыххæй.
Бæстыл æй куы рауагътой,
Дур дæр æй куы нæ урæдта, хъæд дæр, зæгъгæ,
Æмæ, зæгъы, иузаманы Батразæн йæ зæнгтыл цæхгæрмæ куы 'рбатулы.
Æрду 'мæ 'рдæг дæр ницы алыг кодта,
Фæлæ Батраз куы фæгæпп ласта, йæ фæдыл згъорын байдайы.
Лыстæг æй куы ныппырх кодта.
Ног та, зæгъы, ног Балсæджы цалх куы скæнын кодтой.
Хъæстмæ та фæцыдысты.
Ахæм тыхтæй дуæрттæ ахæмы кæмæ уыд, ахæм
Балсæджы цалх та куы скодта уæлæ уæларв Куырдалæгон,
Бæстыл æй рауагътой, æппындæр æй куы ницыуал урæдта,
Батразы зæнгтыл цæхгæрмæ куы 'рбатылд, куы сæ ахауын ласта,
Нарты Батраз, гъей!

Радзырдта йæ Томайты Мысырби, 70-аздзыд, 26 июнь, 1974 аз, Къора. Ныффыстой йæ Дзуццаты Ритæ æмæ Бызыккаты Тамарæ.
Цæгат Ирыстоны паддзахадон университет, уырыссаг литературæйы кафедрæйы архив, 1974 аз.

Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.

при использовании материалов сайта, гиперссылка обязательна
Информация
Посетители, находящиеся в группе Гости, не могут оставлять комментарии к данной публикации.
  Информация

Идея герба производна из идеологии Нартиады: высшая сфера УÆЛÆ представляет мировой разум МОН самой чашей уацамонгæ. Сама чаша и есть воплощение идеи перехода от разума МОН к его информационному выражению – к вести УАЦ. Далее...

  Опрос
Отдельный сайт
В разделе на этом сайте
В разделе на этом сайте с другим дизайном
На поддомене с другим дизайном


  Популярное
  • Танец… на крупе лошади
  • Мариинские вечера
  • В Сочи стартовала V ежегодная конференция «Взгляд в цифровое будущее»
  • Популярность точек доступа Wi-Fi, построенных по проекту устранения цифрового неравенства, резко выросла после обнуления тарифов
  • Аншлаг за аншлагом
  • Заслуженному артисту РФ Бексолтану Тулатову – 85
  • Директором по организационному развитию и управлению персоналом МРФ "Юг" ПАО "Ростелеком" назначен Павел Бугаев
  • Константин Боженов возглавит работу с корпоративным и государственным сегментами в «Ростелекоме» на Юге
  • "Разговор с Отечеством"
  • Немое кино и живая музыка
  •   Архив
    Октябрь 2017 (32)
    Сентябрь 2017 (55)
    Август 2017 (33)
    Июль 2017 (29)
    Июнь 2017 (44)
    Май 2017 (36)
      Друзья

    Патриоты Осетии

    Осетия и Осетины

    ИА ОСинформ

    Ирон Фæндаг

    Ирон Адæм

    Ацæтæ

    Осетинский язык

    Список партнеров

      Реклама
    запчасти volkswagen touareg liex
     
      © 2006—2017 iratta.com — история и культура Осетии
    все права защищены
    Рейтинг@Mail.ru