ДИНЫ ТЫХХÆЙ

24 марта 2008. Разместил: 00mN1ck

Моллойы зарæг — дзыллæйы сайæг.
Моллойы чиныг фыдбылыз хæссы.
Рын куыста æмæ сауджынæн.
Сауджынæн авд гуыбыны ис: ницæмæй æфсæды.
Сауджыны куы нæмай, уæд ахъаззаг над: йæ фиддæн иу у.
Гуыргæ ракæнай, мæлгæ акæнай—сауджынæн пайда.
Иу сауджын йæхи чиныджы йедтæмæ никæйы чиныджы зыдта.
Сауджын аргъуыды куы фæрæдийы, уæд алули-алули фæкæны.
Сауджын хъисыны дæр бæрæг вæййы.
Сауджын хъæуæй куы ахизы, уæддæр ма фæстæмæ фæкæс-фæкæс кæны: кæд ма мын исчи мæ фæдыл рахæссы, зæгъгæ.
Сауджын æмæ хилдасæг кæрæдзи нæ уарзынц.
Сауджын, цас фылдæр рынчынтæ уа, уыйас хъæздыгдæр кæны.
Сауджыны бæх дæлдзæхтæ кодта.
Сауджыны къухæн рæсугъд куы апъа кæны, уæд йæ мидбылты бахуды.

«ИРОН АДÆМЫ СФÆЛДЫСТАД». Дыккаг том. Салæгаты Зоя. Орджоникидзе 1961.

при использовании материалов сайта, гиперссылка обязательна

Вернуться назад