Главная > Историон æмæ тохы зарджытæ > 9. АЙДАРУХЪИ ЗАР

9. АЙДАРУХЪИ ЗАР


20 ноября 2007. Разместил: 00mN1ck
(вариант)

Æнгари лæвар ракорон, зæгъгæ,
Айдарухъ иссæуй залун Донифарсмæ.
Тулион Тулабег ку ракæнуй
Хуарз Айдарухъæн æнгари лæвар —
Копсиуæ уорс аласа.
Баделиати хъал фæсевæдмæ
Бæхбæл гъазунмæ уæд ку рацудæй,
Æ синæгдзæфтæй сæ, сау халæнттау,
Фæйнердæмæ тæхунтæ кодта.
Баделиати устур Бадели
Мæцути астæуккаг цъухбæл хæдзарæн
Сахæй хъалагъур уæд ку ниввардта.
Айдарухъ Айдарухъ уæд адтæй,
Æхсæлæгини уард метбæл
Тæрхъосдзауæни ку рацæуидæ,
Уæл Балелиати кизгуттæ æмæ киндзитæ
Æ къахи фæдтæбæл дзабури
Нивтæ ку карстонцæ,
Æ хораууæнттæбæл ин
Цохъай нивтæ уæд карстонцæ.
Баделиати кизгуттæ йимæ
Сæ дзедзетæ ку балвасионцæ,
Сæ киндзитæ ба йимæ
Сæ дзедзетæ ку рауадзиуонцæ,—
Айдарухъ Айдарухъ уæд адтæй!
Нур Айдарухъ базæронд æй.
Фæрæскъæтти нихаси фестъæлфтæй.
— Мæ зæронддзийнадæ уомæй бæрæг æй, —
Баделиатæ рæнгъæбæл бадун байдæдтонцæ,
Гъæйтт, Дигорæ, уе сæвд æрцæуа!
Айдарухъ мæрдти бæсти
Дуккаг мард кæд кæндзæнæй?
Еци копсиуæ уорс аласабæл
Уомæн е нæ хуæздæр фурт
Авд Уæхъæци устур Стъонамæ
Ку æрцæуа,
Сæумæй-изæрмæ бæхбæттæнбæл
Доргæвдæсæй е ку лæууа,
Авд Уæхъæцей фæсевæд ибæл
Æз хуæздæрæй ку гъазонцæ,
Е 'гъдинцæйттæй йин
Бæхъдартæ ку кæнонцæ.
Йе 'лвасæнтæй йин
Æркъе 'мбестæ ку кæнонцæ, —
Айдарухъ мæрдти бæсти
Дуккаг мард уæд кæндзæнæй.

ЦИНИИ-йы архив, фольклор № 111, папкæ 89, ф. 38—39.


«ИРОН АДÆМЫ СФÆЛДЫСТАД». Фыццаг том. Салæгаты Зоя. Орджоникидзе 1961.

при использовании материалов сайта, гиперссылка обязательна

Вернуться назад
Рейтинг@Mail.ru