Главная > Историон æмæ тохы зарджытæ > 11. УÆЛЛАГКОМИ ЗАР

11. УÆЛЛАГКОМИ ЗАР


21 ноября 2007. Разместил: 00mN1ck
Уæллаг Ири хесдæртæ
Рамбурд унцæ æма рарветунцæ:
«Алли комæй дæр федеуæг
Бæх æвзурст æма лæг æвзурстæй
Абони нæ, фалæ иннæ бони
Изгидмæ куд æрæнбурд уайтæ».
Еци бонæ æрæнбурд унцæ
Бæх æвзурст æма лæг æвзурстæй
Изгиди гъæумæ.
Фæндитæ, зæгъуй, æркæнунцæ:
— Цæй, æма мах цæуæн, зæгъгæ,
Уæртæ Уæллагкоммæ
Хъалон есунмæ.
Сæ раззæгтæ ку загътонцæ:
— Мах цæуæн Ревон æфцæгмæ
Æма бонасадæн
Уоми кæндзинан.
Æрæнбурд унцæ Ревони æфцæгбæл,
Фæндитæ бакæнунцæ:
— Мах цæуæн уæртæ Уæллагкоммæ,
Мах цæуæн хъалон есунмæ.
Нæ фусун æркæндзинан
Гæлаон Гæуисмæ.
Думон Басилмæ,
Къæмунон Гуламæ, —
Уонæн сæ дугай анздзуд
Цæхгун фæрстæ, цæхгун думгутæй,
Истад сау бæгæнитæй
Нæ губунтæ ку радауæн,
Уой фæете нæ кæстæртæ
Ку рауайдзæнæнцæ мæстгунхузæй,
Хæтæл гъæртæ æруадздзæнæнцæ,
Се сдæвдтæ доррæбунтæмæ
Фæлледздзæнæнцæ,
Сæ листæгутæ æма сæ силгоймæгтæ
Бунати байзайдзæнæнцæ —
Фæндон миутæ кæндзинан.
Гъæйт, æма устур фæзи,
Устур фæзи æрæнбурд унцæ
Уæллаг Ири.
Гъе уордиги рарвистонцæ
Къæмунти тегьæмæ
Сæ турусахæссæги,
Базонун кæнæн уæртæ Уæллагкомæн,
Мах ке 'рцудан хъалон есунмæ, зæгъгæ.
Сæ турусахæссæг Къæмунти тегъæбæл
Бæргæ ниллæудтæй:
— Уæллагком, базонетæ,
Мах уæмæ ке 'рцудан
Хъалон есунмæ!
Уалæнмæ имæ Хъарати игон 'варсæй
Арви гæрах фæцудæй.
Йе арви гæрах н'адтæй —
Хъарати Гæбуций сау хъæрæймаги
Гæрах ку адтæй.
Уæллаг Ирæн сæ турусахæссæгæн
Æ уæраги ставд бæргæ фæссаста.
Сæ турусахæссæг тагъдгомау
Се стур æмбурдмæ фæстæмæ
Ку фездæхуй.
Уæд еу ку дзоруй: «Фудибон уинæ,
Уæ Уæллагком».
Турусахæссæгæн
Хуарз салан дæттун байдæдтонцæ;
Уорс бæхи хъури сурх дари
Бæттун ку байдæдтонцæ.
Усш, устур фæзæй халон нæбал уасуй,
Хъарати сау хъæрæймаг Уæллаг Ирæн
Уæллаг комæй хъалон хæссун нæбал уадзуй.

Фыст æрцыди 1922 азы, Чырыстонхъæуы.
ЦИНИИ-йы архив, фольклор № 106, папкæ 13, ф. 50.


«ИРОН АДÆМЫ СФÆЛДЫСТАД». Фыццаг том. Салæгаты Зоя. Орджоникидзе 1961.

при использовании материалов сайта, гиперссылка обязательна

Вернуться назад
Рейтинг@Mail.ru