Главная > Историон æмæ тохы зарджытæ > 45. ИЛАТЫ ДЗЫБЫРТТЫ ЗАРÆГ

45. ИЛАТЫ ДЗЫБЫРТТЫ ЗАРÆГ

18 сентября 2008. Разместил: 00mN1ck

Уæй, уæрæйдæ,
Уæй, уæрæйди-рæйди, уæйтæ,
Хохы цуанон сау зым амардта,
Илаты Дзыбыртт сауджыны амардта.
Далæ сæнæг дон-дон æрбацыди,
Йе 'мбал Дзитдзайы лæппу та йыл комдзог рацыди.
Чехойты Цопан Дзæуæджы хъæуæй Бадмæ æрбацыд,
Бадмæ æрбацыд,
Уæй-уæй, уæй-уæрæйди, рæйди-уæйтæ,
Илаты Дзыбыртты куы 'рцахстой, уæд ауындзæнмæ
Заргæ æрбацыди,
Заргæ æрбацыди.

Радзырдта йæ Туаты Батырадз, 25 август, 1928 аз, Туалгом, Цми. Ныффысга йæ Толасты Андрей.
ЦИНИИ-йы архив, фольклор № 15, папкæ 8, ф. 268.

«ИРОН АДÆМЫ СФÆЛДЫСТАД». Фыццаг том. Салæгаты Зоя. Орджоникидзе 1961.

при использовании материалов сайта, гиперссылка обязательна

Вернуться назад