Йеси мæлгъæ уæд фæттахтæй,
Йес хуар, зæгъетæ!
Æхсæрæ къотæрбæл бор хумæллæг,
Йес хуар, зæгъетæ!
Уомæй цъеу ку рахуардта,
Йес хуар, зæгъетæ!
Зæнхæмæ йе уæд рахаудтæй,
Йес хуар, зæгъетæ!
Нарти Урузмæг уой иссеруй,
Йес хуар, зæгъетæ!
Сатанамæ 'й йе æрбахæссуй,
Йес хуар, зæгъетæ!
Мæнæуи цæстæмæ 'й йе бахæссуй,
Йес хуар, зæгъетæ!
Мæнæуи цæсти 'й йе ку ниввæруй,
Йес хуар, зæгъетæ!
Сæрæй йесгæ æма бунæй ахедгæ йе ку фæууй,
Йес хуар, зæгъетæ!
Цъеу уоми ку æрæскъетуй,
Йес хуар, зæгъетæ!
Сатана сагъæс уобæл уæд байдайуй,
Йес хуар, зæгъетæ!
Урузмæги лæмбунæг уæд ниффæрсуй,
Йес хуар, зæгъетæ!
Æ хабæрттæ йин йе ку æркæнуй,
Йес хуар,зæгъетæ!
Гъенур бæгæни цæмæй кæнгæ 'й?
Йес хуар, зæгъетæ!
Хуари 'лдари бафæрсетæ,
Йес хуар, зæгъетæ!
Сау бæгæни хъæбæр хуарæй,
Йес хуар, зæгъетæ!
Йе 'нтауæн ба цæмæй кæнгæ 'й?
Йес хуар, зæгъетæ!
Нарти Сатанай бафæрсетæ,
Йес хуар, зæгъетæ!
Йе 'нтауæн ба æхсæрæ къотæрбæл бор хумæллæг,
Йес хуар, зæгъетæ!
Йе 'нтауæн ба уомæй гæнгæ 'й,
Йес хуар, зæгъетæ!
Ранинæйхæссай сау бæгæни,
Нарти Сатана,
Йес хуар, зæгъетæ!
Ранинæйковай,
Нарти Урузмæг,
Йес хуар, зæгъетæ!
Дзæбæх бæнттæ ибæл мах фæууинæн,
Йес хуар, зæгъетæ!
Дзæбæх зартæ йибæл мах никкæнæн,
Йес хуар, зæгъетæ!
Радзырдта йæ Гадаты Тазе, 3 сентябрь, 1930 аз, Дзæуджыхъæу. Ныффыста йæ Дзагурти Губади.
ЦИГСИИ-йы архив, фонд Дзагурова Г.А., папкæ 21, опись 1, ф.46–48.
Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.
при использовании материалов сайта, гиперссылка обязательна |
