поиск в интернете
расширенный поиск
Иу лæг – æфсад у, дыууæ – уæлахиз. Сделать стартовойНаписать письмо Добавить в избранное
 
Регистрация   Забыли пароль?
  Главная Библиотека Регистрация Добавить новость Новое на сайте Статистика Форум Контакты О сайте
 
  Навигация
Авторские статьи
Общество
Литература
Осетинские сказки
Музыка
Фото
Видео
  Книги
История Осетии
История Алан
Аристократия Алан
История Южной Осетии
Исторический атлас
Осетинский аул
Традиции и обычаи
Три Слезы Бога
Религиозное мировоззрение
Фамилии и имена
Песни далеких лет
Нарты-Арии
Ир-Ас-Аланское Единобожие
Ингушско-Осетинские
Ирон æгъдæуттæ
  Интересные материалы
Древность
Скифы
Сарматы
Аланы
Новая История
Современность
Личности
Гербы и Флаги
  Духовный мир
Святые места
Древние учения
Нартский эпос
Культура
Религия
Теософия и теология
  Строим РЮО 
Политика
Религия
Ир-асский язык
Образование
Искусство
Экономика
  Реклама
бонусы от Винлинк  
 
ДЗЫВГЪИСЫ ДЗУАРЫ КЪУЫРИ
Автор: 00mN1ck / 23 мая 2008 / Категория: Ирон æгъдæуттæ
Дзывгъисы дзуар ис Куырттаты комы. Йæ бæрæгбон вæййы, Джеоргуыбайæ къуыри куы рацæуы уæд. Кувæг лæгæн дзы ныр æвæрд у Хæмæтаты Саукуыдз. Уый размæ та дзы йæ фыд Науырыз уыди. Саукуыдз Дзывгъисы дзуары фæбады дыууæ къуырийы, æмæ йæм цы куывддзаутæ æрцæуы, уыдонæн сæ кувинæгтæ фæкувы. Уый уым куы нал вæййы, уæд та — Елхъанаты Федыры фырт, Дзывгъисæн йæхи мидæг цæрæг лæг. Хæмæтаты Саукуыдз фыццаг царди Дæллагхъæуы, ныр та — Быдыры Дзуарыхъæуы.

Дзывгъисы дзуары цурты чи фæцæйцыдаид бæхыл бадгæ, уый-иу рахызт йæ бæхæй. Уæрдоны чи бадтаид, уый дæр афтæ. Æхца дыууæ урс суарийы, æртæ урс суарийы, йе та абази кæмæ уыдаид, уый дзы-иу цæвæрдта нысайнаг, цæмæй йæ дзуар фæндараст фæкæна, уый тыххæй. Быдырмæ-иу исчи куы лыгъдис, уæд уый дæр уыцы ран куывта чъиритæ, физонæг æмæ нозт, цæмæй йæ Дзывгъисы дзуар фæндараст фæкæна. Чындз-иу Дзывгъисы дзуары цурты чи хаста, уыдон-иу уым рахызтысты æмæ-иу æмхуызонæй фæкуывтой, цæмæй сын сæ ног чындзы Дзывгъисы дзуар амондджын фæкæна, уый тыххæй. Дзывгъисы дзуары бынты цыдæриддæр адæймаг цыдаид, уымæн йæ худ æнæ сисгæ нæ уыдис, йæ худ куынæ систаид, уæд-иу загъта, тъеныр фæндараст нæ фæуыдзынæн, фæлæ-иу куы еиста, уæд-иу æнхъæл уыди, Дзывгъисы дзуар мæ ныр фæндараст фæкæндзæн, зæгъгæ.

Æрцыдис ахæм хъуыддаг. Т. X. æмæ Б. А. цыдысты саргъы бæхтыл хохæй быдырмæ æмæ, Дзывгъисы дзуары бынмæ куы рахæццæ сты, уæд Б. А. рахызт дзуары бын, фæлæ Т. X. нæ рахызт йæ бæхæй. Гыццыл дæлдæр куы рацыдысты Хъæдæргъæвæнмæ, уæд Т. X. бæхæй ахаудта æмæ уым амарди, дзыхъмард, Шæ бæрзæй йæ быны фæцис, афтæмæй. Адæмæн сæ фылдæр загътой, Т. X. дзуары бын кæй нæ рахызт, уый тыххæй ахаудта æмæ амард. Æмæ уый бирæты уырныдта. Т. X. расыг кæй уыдис, уый сæ ферох.

Дзывгъисы дзуары тыххæй Дæллагхъæуы приход радыгай» фысымгай, кодтой сугкæнæны куывд æнæхъæн приходæн. Фысымтæ-иу уыдысты дыгай хæдзæрттæй. Дыууæ хæдзары дæр-иу хъуамæ уыдаиккой иу хъæуæй. Сугкæнæны куывд цы дыууæ хæдзары кодтой, уыдон-иу уыцы куывддæн цы хъуыд, уый амал дадтой сæхуыдтæг. Уыцы дыууæ хæдзары-иу æрæмбырд кодтой, сæ бон æмæ сæ амал цас уыд, уыйас алцы, сæхиуыл-иу нæ баца-уæрстой. Бæгæны-иу бахсыстой дыууæ-æртæ цæджджинаджы, хъæздыгдæр хæдзæрттæ та — фылдæр дæр. Балхæдтой-иу фæйнæ галы, стæй кæмæн цас амал уыдис, уымæ гæсгæ нæлфыстæ, сцæттæ-иу кодтой мæнæуы ссад дæр. Стæй-иу скодтой куывд. Бамбарын-иу кодтой, цы хъæуккаг уыдаиккой, уыцы хъæуæн, иæ Сугкæнæны куывд кæнæм, зæгъгæ, æмæ-иу æрæмбырд сты.

Хъæубæсты фæсивæдæй-иу кæуыл æмбæлдаид, уыдоныл скодтаиккой хæлттæ, сылгоймаг уæд, нæлгоймаг уæд. Цал адæймаджы хъуыдаид куывд саразынæн, уый-иу бæрæг уыди. Кæй хал схаудаид, уыдонæн æнæ кусгæ нæ уыд уыцы куывды хъуыддаджы, цалынмæ ахицæн уыдаид, уальшмæ. Дзывгъисы дзуары Сугкæнæны фысымтæ-иу æрæмбырд кодтой, йæ хал кæмæн схаудис, уыцы адæмы, акодтой сын-иу нæлфыс кусарт, бахсыстой-иу бæгæны дæр. Хорз-иу куы ракуывтой æмæ куы фæминас кодтой, уæд та иогæй хæлттæ сæппæрстой, чи хъуамæ цы куыст кæна, уый тыххæй. Æмæ ныр дæр ма афтæ у. Иутæ бæгæнытæ фехсидынц, иннæтæ хойраджы хъуыддæгтæ фæкæнынц, аннæтæ та æндæр куыстытæ.

Куывд цы бонмæ рæвдз кæнынц, уый размæ изæр та фысымтæ æрæмбырд кæнынц, халæй цы адæмы равзæрстой, уыдоны æмæ та сын цæттæ вæййы нозт уæд æмæ нæлфысы кусарт уæд. (Уыцы куывды гал æмæ нæлфысы кусарт йеддæмæ ницы æндæр хуызы кусарт акæнæн ис, нæ, дам, фæтчы).

Хойраг чи фæкæны, уыдон цалынмæ хойраг конд фæуой, уалынмæ, ус куы уа, уæд йæ лæгмæ хæстæг не 'рцæудзæн, усджын лæг куы уа, уæд та йæ усмæ не 'рцæудзæн хæстæг. Уымæй фæстæмæ сæ хъус тынг фæдарынц, цæмæй алчи дæр йæхи, куыд æмбæлы, афтæ сабыр. дара, уымæ. Фысымтæ сын хъазт саразынц, æмæ фæкафынц, фæзарынц.

Хойраг фæкæнынц афтæ: фысымтæ кæрдзынгæнджытæм раттынц дзулладжы ссад иу фынддæс путмæ æввахс æмæ ноджы, цы æмбæлы, уыдон. Кæрдзынгæнджытæ хæдзары астæу скæнынц адыли æмæ æрдæджы бæрц ног къона кæрдзын кæныиæн. Уыцы къона стæвд кæнынц фæрв сугæй, цæмæй хорз фæнык дæтта æмæ дзы гуыдынтæ фыцой. Кæрдзынгæнджыты цурмæ исчи куы бауайы, кæрдзынгæнæгыл нымад чи нæ уа, ахæм, уæд æй бауромынц, цæмæй исты нысайнаг радта, уыйтыххæй. Сæхимæ бæгæны нуазынмæ дæр фæхонынц, æмæ сын уыдон дæр фæдæттынц нысайнæгтæ. Афтæмæйты æрæмбырд кæнынц æхца æмæ сæ раттынц, Сугкæнæны фысым чи вæййы, уыцы дыууæ хæдзарæн.

Куывды бон алкæмæи дæр йæ куыст зындгонд вæййы, æмæ йæ феххæст кæнынц зæрдиагæй, цæмæй сæ адæм бузныгæй баззайой, уый тыххæй. Куывды бонмæ цы сцæттæ кæнынц, уый дзæбæх лæвæрд æрцæуы адæмæн, уымæн æмæ уырдыглæуджытæн вæййы иу хистæр — уынаффæгæнæг, уыцы хъуыддæгтæ хорз чи фæзоны, ахæм, æмæ йæм тынг фæхъусынц, уый цы зæгъа, уымæя æнæ кæнгæ нæ вæййы.

Дзывгъисы дзуары Сугкæнæны фысымтæ арвитынц хонæг æнæхъæн Дæллагхъæуы приходмæ, æмæ куывдмæ æрæмбырд вæййынц иууылдæр, чысыл уæд, стыр уæд. Æрæвæрынц сын, цы сцæттæ кодтой хæринагæй дæр æмæ нуазинагæй дæр, уыдон. Вæййы дзы къаддæр-уæддæр дыууæ галы æргæвст, стæй дыууæ-æртæ цæджджинаджы бæгæны. Хорз минас фæкæнынц адæм. Алы хъæуæй дæр æрхонынц чызджытæ æмæ сын саразынц хъазт.

Уырдыглæуджытæ се 'хсæн иукъорд лæппуйы равзарынц æмæ сыл скæнынц зыгъуыммæгонд дзауматæ, цæмæй сæ мачи зона, уый тыххæй. Уыдонæй кæуыл æхсаргард вæййы, кæуыл ирон топп, чи та йæ уæлæ цæсгом бакæны æмæ вæййы арсы хуызæн. Уыдон адæмы æхсæы фæкафынц, адæмы хъæлдзæг кæнынц (сывæллæттæ та сæ тæрсгæ фæкæнынц). Се 'хсаргæрдтæ, топпытæ æмæ майдантæ адæмæй куы кæуыл фефтауынц, куы кæуыл. Æмæ сæ кæуыл бафтауой, уыдон сын фæдæттынц, чи сом, чи сомы æрдæг, чи та къаддæр, æмæ афтæмæй æрæмбырд кæиъгац æхца. Чи куыд æхцаджындæр у, уый фæзонынц æмæ йæм фæхъавынц, цæмæй сæм фылдæр æхца æрбафта, уый тыххæй. Цы æхца æрæмбырд кæнынц, уыдон раттынц дыууæ фысьшæн. Йæхи зондæй чи ратты нысайнаг, ахæмтæ дæр вæййы.

Цыдæриддæр хардз æрцæуы уыцы куывды, уый æрмæстдæр вæййы уыцы дыууæ хæдзарæй, æцæг сын сæ хæстæджытæ бах-хуыс кæнынц, раттынц сын, кæмæн цы йæ бон вæййы, уый: чи зады меркъа, чи мæнæуы меркъа, чи фыс, чи цы, чи цы. Æндæр-иу бабын уаиккой.

Бирæ хæдзæрттæ-иу уыцы куывды фæстæ цæрынхъом нал систы æмæ-иу мæгуырæй цардысты. Ахæмтæ дæр дзы уыдис, æмæ лæг куы базыдта, уыцы фысым мыл тагъд уыдзæн, зæпьгæ, уæд æнæ уæлæмæ сдзургæйæ быдырмæ алыгъдис, уыцы куывд скæнынæй аирвæзыны тыххæй.

Ацы хъуыддаджы-иу мæгуыр лæг тынгдæр фæрыстис, уымæн æмæ-иу адæмы æфсæрмæй, дзуарæй тæрсгæйæ, йæ гал аргæвста, æмæ ма цы сифтыгътаид, уый йæм нал уыд, стæй иннæ хæрдзтæ дæр иууылдæр йæхимæ кастысты.

Дзывгъисы дзуары бонмæ-иу Дæллагхъæуы приход алы хъæуæй дæр æмбæлттæ рахицæн кодтой кувæг лæгæн æмæ-иу иумæ æрзылдысты æнæхъæн Дæллагхъæуы приходыл къусбарыл (зæдтæ æмбырд кæныныл). Алы хæдзармæ дæр-иу бадзырдтой, Барæнæн сæм уыди Дзывгъисы дзуары бынæй хаст тæбæгъ, меркъа кæм цæуы, ахæм. Адæмæй-иу кæмæ бадзырдтой, уый-иу сбарста йæ хуымилиаг (нысайнаг дзуарæн), фæлæ ма-иу уьшæй уæлдай сбарстой дзуары лæгты номыл, стæй Дзывгъисы дзуарæй Джеоргуыбайы къуыри сæхимæ бæгæны куыд хæссой, уый тыххæй дæр. Къусбарыл чи зылдис, уыдон-иу зыдтой, чи цас сбарста, уый. Кæд æрмæстдæр хуымилиаг сбарстаид, уæд ыи Дзывгъисы дзуарæй бæгæны хæссыны бар нæ уыд, фæлæ кæд уыцы тæбæгъæй дыууæ, йе æртæ сбарстаид, уæд къуырийы дæргъы алы æхсæв дæр сæхимæ хастаид Дзывгъисы дзуарæй бæгæны бедыра.

Зад-иу куы æрæмбырд кодтой, уæд сæ-иу æхсидын райдыдтой Джеоргуыбайы цыппæрæмы, алы æхсæв дæр-иу æхсыст æрдæр сын рарвитынц арфæйы нуазæнтæ. Уыцы бон хорз схъазон, зæгъгæ, бирæ лæппу йæ бæхмæ сæрмагондæй фæзилы, уымæн æмæ, уыцы ран цас адæм æрæмбырд вæййы, уыйас адæмы æхсæн сæмбæлын адæймагæн бирæ хатт нæ фефты йæ къухы.

Чи куыд раздæр схъазы бæхыл, афтæ суынаффæ кæнынц бæгæныстонмæ (бæгæнытæ кæм æвæрд вæййынц, уырдæм) бæхтыл сызгъорын, уымæн æмæ бæгæныстонмæ цы бæх бауæнда, уыцы бæх дæр æмæ йæ барæг дæр вæййынц кадджыныл нымад, фæлæ кæмæн нæ бауæнды йæ бæх æмæ чи нæ сарæхсы, ууыл та фæкæнынц худгæ.

Бæгæныстонмæ сызгъорд вæййы афтæ: лæппутæ бауынаффæтæ кæнынц, уæдæ уырдæм сызгъорæм æмæ бæгæны парахатæй баназдзыстæм. Бæгæныстоны дуармæ уырдыглæуджытæ ралæууынц каубыды хуызæнæй, сæ къухты сисынц алыхуызон дзауматæ: кæрцы зæрæдтæ, нымæты зæрæдтæ, къæркъæрæгтæ æмæ æндæр истытæ, цæмæй, барджытæ куы сызгъорой, уæд сын сæ бæхты фæтæрсын кæной æмæ бæгæныстонмæ ма баирвæзой. Барджытæ иу-авдыссæдз (140) сардзины бæрц æддæдæр æрлæууынц æмæ уыциу тъæбæртт фæкæнынц бæгæныстонмæ. Куы сцæйуайынц, уæд уырдыглæуджытæ сæхи стилынц, хъæр фæкæ-нынц, цæмæй бæхтæ фæтæрсой æмæ фæстæмæ алидзой, науæд та сæ фæкæнынц ахсгæ дæр. Сæрæн бæх кæмæн вæййы æмæ йæхæдæг арæхстджындæр чи вæййы, уый баирвæзы бæгæныстонмæ. Тæрсаг бæх та сонт зылд куы фæкæны, уæд йæ барæджы дæр аппары. Æнарæхст чи у æмæ æвзæрдæр бæхыл чи фæбады, уыдоны æрцахсынц, æмæ уæд сæхи балхæнынц, нысайнаг раттьшц дзуарæн, чи сомы æрдæг, чи сом, чи та фылдæр. Чи байрвæзы, уымæн йемæ раттынц бæгæныйы куыси, æмæ йæ æрхæссы адæмы æхсæнмæ — йæ кады нуазæн. Бæгæныстонмæ уыцы бон иу-дæс къордæй фылдæр суайы.

Хъазты адæм сæ тæккæ кафгæйæ куы вæййынц, уæддæр та, раздæр ма куыд загътон, афтæ уырдыглæуджытæ иу æртæ-цыппар лæппуйæ сæхиуыл бакæнынц цæсгæмттæ, сæ уæлæ æркæнынц æхсаргæрдтæ, топпытæ, майдантæ, крестытæ æмæ æндæр истытæ, æмæ, сæ ныр та фефтауынц, кафгæ чи кæны, уыцы лæппутæ æмæ чызджытæй искæуылты. Хъазты уыцы дзауматæ кафгæ-кафын цы лæппуйыл бафтауой, уымæн худинаг у æнæ исты бафидгæ. Афтæ фæхъавынц, чызджытæй рæсугъддæр чи вæййы, уыдонмæ дæр, уымæн æмæ, чызгæн йæхимæ æхца нæ вæййы, фæлæ уый бæсты усгур лæппутæй исчи бафиды, науæд та йе 'фсымæртæй кæнæ хæстæджытæй исчи. Цасдæриддæр æхца æрæмбырд уа, уыдон Дзывгъисы дзуары пайдайæн бацæуынц æмæ, цæмæн фæхъæуынц, уымæн сæ фæхардз кæнынц.

Куы фæизæрырдæм вæййы, уæд хъазт бауромынц, æмæ адæм аздæхынц дзуарæй фæстæмæ сæ хæдзæрттæм, алы хъæутæм, быдырæй чи бацæуы, уыдон та сæ аздæхынц, уæд алчи дæр иæ сивæд Дзывгъисы дзуарæй куы аздæхынц, уæд алчи дæр йæ бæх февзары, æмæ кæрæдзийы худтæ фескъæфынц. Кæй худ аскъæфынц, уый кæд хæстæг хъæуккаг вæййы, уæд æй, чи аскъæфы, уый йæ уымæн йæхи хæдзармæ бахæссы, кæннæуæд та йын æй хъуамæ фæстæмæ дæр байсынц.

Адæм къордтæ-къордтæй фысымтæ фæкæнынц хæстæгдæр хъæуты, æмæ сæ хорз фæуынынц. Буцæн сын саразынц хъазт дæр æмæ фæкафынц æхсæв-бонмæ.

Дзывгъисы дзуары бæрæгбон ууыл ахицæн вæййы, фæлæ ма дзы уыцы бонæй фæстæмæ дзуары лæгтæ æмæ уырдыглæуджытæ иу къуыри фæбадынц, æмæ сæм хъæутæй бæгæны хæссыи-мæ фæцæуынц, къусбарыл зилгæйæ уæлдай тæбæгътæ (меркъатæ) чи радта, уыдон —алы изæр дæр бæгæныйы бедыра, æмæ изæрæй куы кæсай, уæд алы хъæутæй бæхтыл æрцæуынц æмæ бæгæны лалымты фæцæйхæссынц.

Къуырийы бон куы æрхæццæ вæййы, уæд скæнынц Дзывгъисы дзуары куывд æрвитæн, æмæ уый фæстæ дзуары лæгтæ дæр æмæ уырдыглæуджытæ дæр ацæуынц.

Уыдон цалынмæ уым вæййынц, уалынмæ сæм бæгæны нуа-зынмæ баздæхынц фæндаггонтæ, быдырмæ чи фæцæуы, уыдоц дæр, стæй, быдырæй мидæмæ чи цæуы, уыдои дæр.

Дзывгъисы дзуары нысайнæгтæй цы æхцатæ æрæмбырд вæййы, уыдонæй арæзт æрцыдис цинкæй æмбæрзт найфат: къæвда бон æмæ хур бон кæм фæбадынц, ахæм агъуыстытæ дурæй æмбæрзтæй, чъырæй амад систæ æмæ æндæртæ.

Æцæг революцийæ фæстæмæ азæй аз къаддæр кæнынц йе 'гъдæуттæ, нал сæ æххæст кæнынц, уымæн æмæ Хохы Дæллагхъæуы приходы бирæ адæм нал цæры, стæй æнæзонд хæрдзтæн галтæ дæр æмæ бæгæныйы цæджджинæгтæ дæр лæвар ничиуал ратдзæн.

Бекыза Макарович Каргиев "Осетинские обряды и обычаи", Владикавказ "Рухс", 1991.
при использовании материалов сайта, гиперссылка обязательна
Информация
Посетители, находящиеся в группе Гости, не могут оставлять комментарии к данной публикации.
  Информация

Идея герба производна из идеологии Нартиады: высшая сфера УÆЛÆ представляет мировой разум МОН самой чашей уацамонгæ. Сама чаша и есть воплощение идеи перехода от разума МОН к его информационному выражению – к вести УАЦ. Далее...

  Опрос
Отдельный сайт
В разделе на этом сайте
В разделе на этом сайте с другим дизайном
На поддомене с другим дизайном


  Популярное
  Архив
Февраль 2022 (1)
Ноябрь 2021 (2)
Сентябрь 2021 (1)
Июль 2021 (1)
Май 2021 (2)
Апрель 2021 (1)
  Друзья

Патриоты Осетии

Осетия и Осетины

ИА ОСинформ

Ирон Фæндаг

Ирон Адæм

Ацæтæ

Список партнеров

  Реклама
 
 
  © 2006—2022 iratta.com — история и культура Осетии
все права защищены
Рейтинг@Mail.ru