Плиты Грис. Авд цухъайы (балладæ)

ПЛИТЫ ГРИСЫ БАЛЛАДÆ «АВД ЦУХЪАЙЫ»
Формат: doc
==========================
Арф Куырттаты комы дуарыл
Саргъæй хъæугæрон æрхиз, —
Къулыл иу ныллæг хæдзары
Ауыгъд авд цухъайы ис,
Æмæ уыдон раз сæркъулæй
Алæуу иучысыл æнцад:
Уым цæринаг авд хъæбулæй
Баззад афтидæй сæ мад...
Хъæуы уæлмæрдты дæр авд и
Ног конд ингæнтæ рæгъæй,
Фæлæ ингæнтæ дæр афтид,
Цухъаты дæр удтæ нæй.
Мад сæ иуæн дæр йæ фырттæй
Нал æрлæгъз кæндзæн йæ сæр,
Фæлæ се сæфтыл бæлвырдæй
Зæрдæ не 'ууæнды уæддæр.
Æмæ ныр цыма йæ цуры
Йе 'гас авд фырты уыны,
Уыйау цухъатимæ дзуры,
Сабыр бустæ сын кæны:
«Уæ, мæ рогбазыр цæргæстæ,
Æз уæ ныййарæг куы дæн, —
Иунæг уæ йæ хабар хæстæй
Уæд куыд нæ зæгъы мæнæн?..
Дарддæр кæсут текст файлы мидæг.