Бориати Борæн адтæй,
Райда-уæрайда!
Еунæг хъæбæр рæсугъд кизгæ.
Райда-уæрайда!
Борæфæрнуг е ке хундтæй,
Райда-уæрайда!
Зонæнгин ба е ку адтæй,
Райда-уæрайда!
Еу бон кæми адтæй, оми,
Райда-уæрайда!
Мæсуги сæрггагæй ку фæккæсуй.
Райда-уæрайда!
Идардмæ бæхгин ку ниууидта,
Райда-уæрайда!
Уæд Хуцаумæ е ку скувта:
Райда-уæрайда!
Йа Хуцаути мæхе Хуцау,
Райда-уæрайда!
Тар мегъæ 'йбæл уæхæн скæнæ,
Райда-уæрайда!
'Ма йæ надбæл куд фæррæдуйа.
Райда-уæрайда!
Отемæй махмæ ци 'рбаздæха.
Райда-уæрайда!
Мæсуги сæрæй е æрцæуй бунмæ.
Райда-уæрайда!
Æ фидæ Борæн е ку дзоруй:
Райда-уæрайда!
«Ауæхæн дессаг некæд фæууидтон,
Райда-уæрайда!
Надбæл еу од фондз оди схæссуй».
Райда-уæрайда!
«Æ, налат силæ, цитæ дзорис?
Райда-уæрайда!
Еу од фондз оди куд хæсдзæнæй?»
Райда-уæрайда!
«Мæ фидæ Борæ ма рамæла,
Райда-уæрайда!
Нæртон дууæ етæ ку 'нцæ,
Райда-уæрайда!
Лæхъуæн æма рæсугъд киндзæ,
Райда-уæрайда!
Сæ фусун махмæ ку уодзæнæй».
Райда-уæрайда!
Æцæг тар мегъæ ку ниббадуй,
Райда-уæрайда!
Лæхъуæн æ надбæл фæррæдуйуй,
Райда-уæрайда!
Бори хæдзарæмæ барæдуйуй,
Райда-уæрайда!
Борæфæрнуг сæбæл ниццийнæ уй.
Райда-уæрайда!
Етæ адтæнцæ нæртон лæхъуæн,
Райда-уæрайда!
Сæнт саурæсугъд уæззау киндзæ,
Райда-уæрайда!
'Ма зайуйнаг рæсугъд æфсæ,
Райда-уæрайда!
Хуарз æгъдау син ку раттунцæ,
Райда-уæрайда!
Æхсæвæр син ку скæнунцæ,
Райда-уæрайда!
Æртæ рауæни æртæ уати,
Райда-уæрайда!
Борæфæрнуг ку никкæнуй,
Райда-уæрайда!
Æхсæвæ киндзæн ку райгуруй
Райда-уæрайда!
Сугъзæрийнæ стуггин лæхъуæн,
Райда-уæрайда!
Æфсæ низзадæй уадæндзо 'ма,
Райда-уæрайда!
Мегъæнуайæн рæсугъд байраг.
Райда-уæрайда!
Æхсæртæгкатæй лæхъуæн адтæй,
Райда-уæрайда!
Бориатæн ба тоггин адтæй,
Райда-уæрайда!
Бафедудтонцæ еци надбæл,
Райда-уæрайда!
Борæфæрнуги хъаруй фæрци,
Райда-уæрайда!
Æстæмæй-астмæ етæ они,
Райда-уæрайда!
Сæхемæ ниууорæдтонцæ.
Райда-уæрайда!
Устур æгъдауæй рарвистонцæ,
Райда-уæрайда!
Етæ они Нарти 'хсæнмæ.
Райда-уæрайда!
Еци игурд уæхæн иссæй,
Райда-уæрайда!
Знæгти нихмæ ма царди хуарзбæл,
Райда-уæрайда!
Цæрæнбонти тох ка кодта,
Райда-уа-рай-да!
Радзырдта йæ Кертибиты Кертиби, 1910 аз, Уæхъæц. Ныффыста йæ Хадаты Берди.
ЦИГСИИ-йы архив, фольклор №36, папкæ 4, ф. 41–44.
Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.
при использовании материалов сайта, гиперссылка обязательна |
