Уæй, Сафай фурт йеунæг кизгæ, рæйда-уæрæйда,
Мæсуги сæрггагмæ бæргæ исхезуй, рæйда-уæрæйда,
Уордигæй дæр фæгъгъæуай кæнуй, рæйда-уæрæйда,
Фæстæмæ бæргæ 'рхезуй, рæйда-уæрæйда,
– Табу-табу, мæ фидæ Сафа, рæйда-уæрæйда,
Ниххатир кæнæ, – йеу уод фондз уодей исхæссуй далæ и будури, рæйда-уæрæйда,
– Йеу уод фондз уоди куд исхæсдзæнæй,
Мæнгæттæ дзорис, рæйда-уæрæйда,
Сафай фурт йеунæг кизгæ фефсæрми æй, рæйда-уæрæйда,
Æнæ сдзоргæ æртæ къерей бæргæ ракæнуй, рæйда-уæрæйда,
Нигкидæр мæсугмæ бæргæ исхезуй, рæйда-уæрæйда.
Нигкидæр нæуæгæй бæргæ никковуй, рæйда-уæрæйда,
– Йæ, Хуцаути мæхе Хуцау, рæйда-уæрæйда,
Хуцаумæ бæргæ никковуй, рæйда-уæрæйда,
– Йеци цæуæгбæл хæрæ мегъæ исцæун кæнæ, рæйда-уæрæйда,
Сафай хæдзарæмæ 'й æрбарæдуйун кæнæ, рæйда-уæрæйда,
Уалдæнги йеци цæуæгбæл, рæйда-уæрæйда,
И хæрæ мегъæ бæргæ фелвæсуй, рæйда-уæрæйда,
Сафай хæдзарæмæ æрбарæдудæй, рæйда-уæрæйда
Бæдæйнаг кизгæ йимæ бæргæ рацудæй, рæйда-уæрæйда,
Æ бæх ин бæхбæттæнбæл бæргæ бабæттуй, рæйда-уæрæйда,
Æхе ин иуазæгдонæмæ бæргæ фæммедæмæ кæнуй, рæйда-уæрæйда,
Кизгæ ин фингæ, фингæбæл хæссуй, рæйда-уæрæйда,
Бæргæ йимæ дзоруй: – Хуарз иуазæг, рæйда-уæрæйда,
И уодтæ æгасæйдæр æнхузæн æнцæ, рæйда-уæрæйда.
Дæ дзиппи ка йес, уой дæр исласæ, рæйда-уæрæйда,
Æ галеу дзиппæмæ бæргæ равналуй, рæйда-уæрæйда,
Æ кондæн на' адтæй, æ уиндæн н' адтæй, уæхæн кизгæ бæргæ исласуй, рæйда-уæрæйда.
Авдей медæгкагмæ'й бæргæ бакæнуй, рæйда-уæрæйда,
Æ бæх дæр ин хъæбæр дзæбæх бунатмæ бæргæ бакæнуй, рæйда-уæрæйда,
Хуарз æхсæвæр син бæргæ раттуй, рæйда-уæрæйда,
Хъæбæр дзæбæх сæ бæргæ фæййинуй, рæйда-уæрæйда,
Уалдæнги рацæй, рабонæй, рæйда-уæрæйда.
Бæдæйнаг кизгæ бæхмæ ниууайуй, рæйда-уæрæйда,
Уадæндзо ма мегъæмбал байраг бæргæ низзайуй, рæйда-уæрæйда,
И кизгæмæ дæр бæргæ бауайуй, рæйда-уæрæйда,
Йе дæр сугъзæринæ æстугкин битдзеу бæргæ разайуй, рæйда-уæрæйда,
Басæнимайай, мæ фидæ Сафа,
Кæддæра цæй бæрцæ 'нцæ, рæйда-уæрæйда,
Йеци бонæй аци бонмæ, рæйда-уæрæйда,
Сафа æ кизги фарстбæл фæрсун байдæдта, рæйда-уæрæйда.
Радзырдта йæ Кæлухты Елмæрза, ныффыста йæ Толасты Ан¬дрей, 10 август, 1927 аз.
ЦИГСИИ-йы архив, фольклор № 15, папкæ № 82, ф. 66–68.
Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.
при использовании материалов сайта, гиперссылка обязательна |
