Гъæуайгæнæг æрбахъæрттæй ма нигъгъæр кодта:
– Хъримти паддзах æрбацæуй йе 'фсади хæтдзæ,
Фæндуй æй Дигоргоммæ æрбахъæртун
'Ма æгас адæн ниццæгъдун кæнун. –
Исистадæнцæ æгас лæгтæ дæр
Сæ зæнхæбæл тохунмæ,
Рандæй Туйгъанти Елбирдухъ
Гъæутæбæл лæгтæ æмбурд кæнунмæ.
– Ей, дигорæнттæ, мах тухгин ан,
Хъримтæ берæ æнцæ, мах дæр минкъий нæ ан,
Рацæуæн сæ размæ, цалинмæ нæма æрбацудæнцæ æфцæгмæ,
Ахæссетæ урдуг хуæнхтæбæл
Тагъддæр мæсуги бунæттæ,
Есетæ топпи хуасæ уæ хæтдзæ –
Ой, Дæргони рази алчидæр
Мегъæй хъæбæр ниссау æй
Ой, хонхæй фегъустæй гъæр,
'Ма уорс мегъæ æрхаудтæй.
Нæ, е сау мегъæ нæ адтæй,
Етæ адтæнцæ хъримти æфсæдтæ.
Ой, Дигорæ ниппурхæ кодтонцæ хъримти,
Басастонцæ син сæ тухæ!
Радзырдта йæ Хайманты Алихан, 75-аздзыд, 1977 аз. Стыр Дыгур, Ирæфы район. Ныффыстой йæ Абайты Р. æмæ Хайманты С.
Цæгат Ирыстоны паддзахадон университет, уырыссаг литературæйы кафедрæйы архив, 1977 аз, № 47.
Ирон адæмон сфæлдыстад. Дыууæ Томы. Фыццаг том. / Сарæзта йæ Салæгаты З. – Дзæуджыхъæу: Ир, 2007 – 719 ф.
при использовании материалов сайта, гиперссылка обязательна |
